ജമ്മു കാശ്മീർ: ഗവൺമെന്റ് മെഡിക്കൽ കോളേജിലെ രണ്ട് ഗ്രൂപ്പുകൾ തമ്മിലുള്ള സംഘർഷത്തിൽ ഒരു മെഡിക്കൽ വിദ്യാർത്ഥിക്ക് പരിക്കേറ്റതായി തിങ്കളാഴ്ച പോലീസ് അറിയിച്ചു. അടുത്തിടെ പുറത്തിറങ്ങിയ ‘ദി കേരള സ്റ്റോറി’ എന്ന ചിത്രത്തെ പ്രശംസിച്ച് ഒരു വിദ്യാർത്ഥി വാട്ട്‌സ്ആപ്പ് സന്ദേശം പങ്കിട്ടുവെന്നാരോപിച്ച് ഞായറാഴ്ച രാത്രി വൈകിയാണ് സംഘർഷമുണ്ടായത്.
സംഭവത്തിൽ അന്വേഷണം നടക്കുകയാണെന്ന് ജമ്മു സീനിയർ പോലീസ് സൂപ്രണ്ട് ചന്ദൻ കോഹ്‌ലി പറഞ്ഞു. ജമ്മുവിലെ ജിഎംസി ഹോസ്റ്റലിൽ ചില വിദ്യാർത്ഥികളും പുറത്തുനിന്നുള്ളവരും തമ്മിൽ വാക്കേറ്റമുണ്ടായി. വിഷയം ശ്രദ്ധയിൽപ്പെട്ടിട്ടുണ്ടെന്നും അന്വേഷണം നടക്കുന്നുണ്ടെന്നും അദ്ദേഹം വ്യക്തമാക്കി.
അതേസമയം, ഞായറാഴ്ച രാത്രി നടന്ന സംഭവത്തിന് ശേഷം നിരവധി ഹിന്ദു വിദ്യാർത്ഥികൾ ഹോസ്റ്റലിൽ തങ്ങൾ നേരിടുന്ന വിവേചനത്തിൽ പ്രതിഷേധിച്ച് രംഗത്തെത്തി. ‘ദി കേരള സ്റ്റോറി’യെ പ്രശംസിച്ചതിന് ഒന്നാം വർഷ ഹിന്ദു വിദ്യാർത്ഥിയെ ജിഎംസി ഹോസ്റ്റലിലെ കശ്മീരി മുസ്ലീങ്ങൾ സംഘം ചേർന്ന് ആക്രമിച്ചതായി സംഭവം നേരിട്ട് കണ്ട ഒരു ഹിന്ദു വിദ്യാർത്ഥി വ്യക്തമാക്കി.
ഒന്നാം വർഷ എംബിബിഎസ് ഹിന്ദു വിദ്യാർത്ഥി ഒരു വാട്ട്‌സ്ആപ്പ് ഗ്രൂപ്പിൽ ‘മസ്റ്റ് വാച്ച്’ എന്ന സന്ദേശമുള്ള കേരള സ്റ്റോറി എന്ന് അപ്‌ലോഡ് ചെയ്തതായുംപോസ്റ്റിൽ പ്രകോപിതനായ ഒരു മുതിർന്ന മുസ്ലീം വിദ്യാർത്ഥിയും മറ്റ് നിരവധി പേരും ഒന്നാം വർഷ വിദ്യാർത്ഥിയെ ക്രൂരമായി മർദ്ദിക്കുകയായിരുന്നു എന്നും ദൃക്‌സാക്ഷിയായ വിദ്യാർത്ഥി പറഞ്ഞു.
