തൃക്കൊടിത്താനം: യുവാക്കളെ കുരുമുളക് സ്‌പ്രേയും ചുറ്റികയും ഉപയോഗിച്ചു കൊലപ്പെടുത്താന്‍ ശ്രമിച്ച കേസില്‍ രണ്ടുപേര്‍ അറസ്റ്റില്‍. തൃക്കൊടിത്താനം കോട്ടമുറി ഭാഗത്ത് കലുങ്കില്‍ സൂരജ് (23), ഇയാളുടെ സഹോദരന്‍ സുബിന്‍ (22) എന്നിവരെയാണ് അറസ്റ്റ് ചെയ്തത്. തൃക്കൊടിത്താനം പൊലീസ് ആണ് ഇവരെ അറസ്റ്റ് ചെയ്തത്.
Read Also : ‘ഇന്ത്യയുമായുള്ള ബന്ധത്തിനാണ് മുൻ‌ഗണന…’: വ്യക്തമാക്കി സൗദി അറേബ്യ വിദേശകാര്യ മന്ത്രി
കഴിഞ്ഞദിവസം രാത്രി തെങ്ങണാ മെഡിക്കല്‍ മിഷന്‍ ആശുപത്രിക്ക് സമീപം ആണ് സംഭവം. ഇവര്‍ റോഡില്‍ വച്ച് യുവാക്കളെ കണ്ടപ്പോൾ സുബിന്‍ അവരുടെ നേരെ കുരുമുളക് സ്‌പ്രേ അടിച്ചു. ഈ സമയം സൂരജ് തന്‍റെ കയ്യില്‍ കരുതിയിരുന്ന ചുറ്റികകൊണ്ട് തലയ്ക്കടിക്കുകയുമായിരുന്നു. യുവാക്കളും പ്രതികളും തമ്മില്‍ മുന്‍ വൈരാഗ്യമുണ്ടായിരുന്നു. ഇതിന്‍റെ തുടര്‍ച്ചയായാണ് ഇവര്‍ യുവാക്കളെ ആക്രമിച്ചത്. പരാതിയുടെ അടിസ്ഥാനത്തിൽ കേസ് രജിസ്റ്റര്‍ ചെയ്ത തൃക്കൊടിത്താനം പൊലീസ് ഇവരെ അറസ്റ്റ് ചെയ്യുകയായിരുന്നു.
പ്രതികളെ കോടതിയിൽ ഹാജരാക്കി.
