തിരുവനന്തപുരം: ഓട്ടോറിക്ഷാ തൊഴിലാളികൾക്കായി പ്രത്യേക വായ്പാ പദ്ധതിയുമായി സംസ്ഥാന സർക്കാർ. പിണറായി സർക്കാരിന്റെ രണ്ടാം വാർഷികത്തോടനുബന്ധിച്ച നൂറുദിന കർമ്മ പദ്ധതിയുടെ ഭാഗമായാണ് സഹകരണ ബാങ്കുകളിലൂടെ ‘സഹായഹസ്തം’ എന്ന പേരിൽ വായ്പാ പദ്ധതി ഒരുങ്ങിയിരിക്കുന്നത്.
പ്രാഥമിക സഹകരണ സംഘങ്ങൾ മുഖേന ഓട്ടോറിക്ഷ മെയിന്റനൻസിനും പുതിയ ഓട്ടോറിക്ഷ വാങ്ങുന്നതിനുള്ള പ്രാരംഭ ആവശ്യങ്ങൾക്കുമായാണ് വായ്പ അനുവദിക്കുക. സ്വന്തം ജാമ്യത്തിലാണ് പണം നൽകുക. 10 ശതമാനമാണ് പലിശ, തിരിച്ചടവ് ആഴ്ച്ച തവണ വ്യവസ്ഥയിലാണ്, രണ്ട് വർഷം കൊണ്ട് തുക തിരിച്ചടച്ചാൽ മതിയാകും.
Tags
News