പ്രഭാത ഭക്ഷണത്തിന് ട്രൈ ചെയ്യാം തിന ഇഡ്‌ലി

പ്രഭാത ഭക്ഷണത്തിന് ആരോഗ്യകരമായ പുതുമക്കായി പരീക്ഷിക്കാം തിന ഇഡ്‌ലി

ചേരുവകൾ

തിന – 1 കപ്പ്

പച്ചരി – 3 കപ്പ്

ഉഴുന്ന് – 1 കപ്പ്

ചൗവ്വരി – 1/4 കപ്പ്

ഉലുവ – 1 1 ടീ സ്പൂൺ

കാരറ്റ് പൊടിയായി അരിഞ്ഞത് – ½ കപ്പ്

മല്ലിയില – ആവശ്യത്തിന്

ഉപ്പ് – ആവശ്യത്തിന്

തയ്യാറാക്കുന്ന വിധം

തിന, പച്ചരി, ഉഴുന്ന്, ഉലുവ ഇവ നന്നായി കഴുകി 7 മണിക്കൂറോളം കുതിർക്കാൻ വയ്ക്കുക.

ചൗവ്വരി കഴുകി വേറെ പാത്രത്തിൽ 7 മണിക്കൂർ കുതിർക്കാൻ വയ്ക്കുക.

രണ്ടു ചേരുവകളും വെവ്വേറെ അരച്ച് ഒന്നിച്ച് ഒരു പാത്രത്തിൽ ചേർത്തു യോജിപ്പിച്ചു വയ്ക്കുക.

രാത്രിയിൽ മാവു പൊങ്ങി വരുവാൻ വേണ്ടി വയ്ക്കുക. രാവിലെ മാവിലേക്ക് ഉപ്പും കാരറ്റും മല്ലിയിലയും ചേർത്തിളക്കി ഇഡ്ഡലി തയാറാക്കാവുന്നതാണ്.